هنتكلم في الموضوع ده بشكل مفصل شوية :-
فريلانس : هو أي عمل حر بتقوم بيه لشخص او مجموعه مقابل الدولارات ودي العمله الشائعه بين الفريلانسرز . طيب هو يختلف عن اي عمل تاني ازاي ؟
الفريلانس إنت بتكون الكل في الكل انت المدير والمنسق والمسوق وانتا الموظف والكول سنتر وبيكون مستقل بنفسه .
المجالات اللي معظم الفريلانسر بيتعلموها كتير عشان يدخلوا للعمل الحر ده شاهد الصوره المرفقه مع المقالة .
طيب حضرتك لو أنا شايف نفسي في مجال تكنولوجيا المعلومات منها تصميم جرافيك ازاي اوصل للعملاء المهتمين بالتصميم ؟
بعد ما تكون مستعد تماما للعمل والمفروض تبدأ عمل تطوعي مبدئيًا حتي تاخد خبره بمجرد ما تكون واثق من نفسك تعرض اعمالك في صفحاتك الشخصية تويتر يوتيوب في حالة الموشن جرافيك فيس بوك بيهانس وغيره ..
تبدأ بمواقع الخدمات المصغره اللي هتطور نفسك اكتر فيها زي خمسات دوت كوم ولو عندك لغة انجليزي ولو بسيطه تدخل لموقع فريلانسر .
ومن هنا هتكون بدايتك ..
طيب عايز نصيحتك ليا وإنت ليك عشر سنين في المجال ده وليك سمعه حلوه ف خمسات وتقييمات حلوه وتجربتك لتطوير اكتر من 25 ويب سايت .
اولا الحمد لله علي كل حال وده توفيق من ربنا ومن ناس كتير اسست فيا كل الثوابت والروح اللي تخليني استمر وسط كمية الانتقادات اللي مريت بيها !
أنا اتعلمت كتير من بداية ازاي اكتب اسمي علي صورة وحاجات كتير ملهاش قيمه في مجال الديزاين الكبير او مجال تطوير الويب اللي كانت بدايته تطوير البلوجر وحلم امتلاك موقع باسمي .
كان واقف معايا شباب سوريين قدموا ليا كتير جدا أنا مريت بمراحل فشل واخدت قرارات كتير اني ابعد عن المجال ده لكن القرار نفسه كان صعب لما يوقف جنبك حد من بلد غير بلدك ولما طلبت من حد من بلدي للأسف مشفتش حد عنده خبره كافيه متاح والمتاح مشغول وباختصار كل اللي بعمله جزء من اللي شفته من الشباب السوري رغم كمية العقبات اللي قدامهم ودايما كانوا يقولوا " مش معني إنو انتا ما معك حدا ليدعمك تنزل لبحر الفشل واحنا مين ما كان ما بيقدر يدعمنا اكتر من حالنا خلي حالك اقوي .. " فهمت لحظتها اني لسه قدامي مشوار مع نفسي اتعلم كل حاجه وادي كل حاجه وقتها الكامل وحقها وكان مصدري الاول مواقع اجنبية لإن المحتوي العربي فقير جداا .
ليست هناك تعليقات:
إرسال تعليق
نسعد ونتشرف بتعليقاتكم
لكن هناك شروط يجب اتباعها لضمان نشر التعليقات